گاموحون، 1386-اينجي ايل ايران پارلامئنت سئچگيلرينه دايير ، گونئي آذربايجان توركلرينه موراجيعتي
)
گاموحون، 1386-اينجي ايل ايران پارلامئنت سئچگيلرينه دايير ، گونئي آذربايجان توركلرينه
موراجيعتي
شرفلي و اوجا ميللت! ايران آدلانان اؤلكه ده حؤكوم سورن فارس، موللا، فاشيست حاكميتي دين پرده سي و موقددسات آدي آلتيندا گونئي آذربايجان توركالرينه و اؤلكه ده باشقا ميللي آزينليقلارا قارشي ايللردير ايرنج و چيركين شووونيستي سياستلريني يوروتمكده دير. بو ديرناق آراسي ايسلام حؤكومتي ، قئيري دئموكراتيك و قئيري اينساني عمللرينه گؤره بو گون آرتيق دونيا ايجتيماعييتينده اؤز مشروعييتيني ايتيرميشدير. آنجاق بونا باخماياراق شووونيست حاكمييت اؤز ايرقچي و فاشيستي سياست لريني اؤرت-باسدير ائتمك اوچون يئنه ده موختليف حيله لرله 1386-اينجي ايل پارلامئنت سئچگيلرينه حاضيرلانماقدادير. بؤيوك گونئي آذربايجان تورك اولوسو! بو بير حقيقت دير كي اوجا تورك ميللتي هئچ زامان توتاليتاريزمه و ايستيبدادا بويون ايمه ييب دير و يئنه ده اؤز دايانيش و ديره نيشيله ارتيجاعي و چاغ ديشي حاكيم رئژيمي ديزه چؤكورمه يي باشاراجاغينا هئچ شوبهه ميز اولماماليدير. تورك ميللتي موباريزه تاريخينده ايسته دييي زامان بو گئرچه يي ثبوتا يئتيرميشدير. يو.ان.پي او و باشقا بعضي بين الخالق تشكيلاتلاردا تصديقلندييي كيمي بو گون تهران دا حاكمييت ده اولان ارتجاعي رئژيم نه سنين دؤولتين دير، نه ده سنين دؤولتين اولماغا لاييق دير. 1385-اينجي ايل خورداد حاديثه لري ( ميللي قيام) ثبوت ائتدي كي تهراندا سرگي لنن ، سنين پارلامئنتين دئييل. بلكه فارس شوونيست لرينين شيطاني خيانت يوواسي دير. شرفلي گونئي آذربايجان تورك ميللتي! بئله ليكله بيز گونئي آذربايجان ميللي اويانيش حركاتي (گاموح) اولاراق،عاغيل و منطيقه داياناراق ، 1386-اينجي ايل ايران پارلامئنت سئچگي لريني تحريم و بايكوت ائديب و ميللتيميزدن طلب ائديريك بئله قوندارما سئچگي لرده ايشتيراك ائتمه مكله، خائين رئژيمي روسواي ائتمكده اؤز ميللي ايراده سيني نوماييش ائتديرسين. البته بيز گاموح اولاراق ايرقچي رئژيمين توطئه لرين اونله مك اوچون موعين سئچگي بؤلگه لرينده لازيمي تدبيرلره ال آتماقلا، ميللت و ميللي منفعتلريميزه زيان گتيرن حركت و آدديملارين قارشيسيني آلماغا چاليشاجاييق. ياشاسين گونئي آذربايجان تورك ميللتي! گونئي آذربايجان ميللي اويانيش حركاتي (گاموح) - مركزي كوميته- تبريز 1386 |